Monthly Archives: June 2017

高人金句

昨天搭小巴,聽到小巴司機說:「我做呢行五十四年啦!個孫都三十歲啦!」

「犀利呀!揸o左o甘耐!咦,點解仲o吾退休呀!抖o下啦!去o下公園飲o下茶,嘆世界呀!」一位熱心阿姐說。

「而家o米嘆世界囉。揸車係我娛樂興趣o黎o番!」(哇!o甘高境界?我抬頭看看,才認得原來是前陣子見過的那位樂天的小巴伯伯!)

「o甘大年紀退休啦,o吾好o甘辛苦啦!享受o下人生嘛!」熱心阿姐繼續說。

「點會辛苦?我話你知,人最辛苦第一係無健康,第二係無錢,個袋無錢就真係辛苦o勒。有錢自己使,有錢俾人使,o吾知幾好,好似我個個月俾三百銀個孫(我估佢呢句係想當年),去搭車返學,o吾知幾好,佢地又o吾使行路返學,幾好!話你知,無錢就真係辛苦o勒!」

又係喔。敬業樂業又對答如流聰明機智的小巴伯伯,真是非常可愛。

老媽近日煲《射鵰》,已看完大結局,又從第一集翻看。佢好鍾意個新郭靖(仲使問,梗係乖仔樣!)。看到開頭,丘處機同江南七怪打鬥,打左好耐,難分難解,呢d梗係老媽o既「洗碗位」啦。老媽施施然走入廚房洗完碗,走出來,見大家仲打緊!老媽不解道:「仲咩成日打交o者,有咩o甘好打o者!你話好似d拳賽o甘有錢收就話o者!」佢未講完最尾個字,我已經爆笑──老媽本色,錢最實際!

高人之所以是高人,無論是幽默或透視真理、反映現實,重點係出口成金,旁人已經會心微笑,但佢本人卻渾然不覺!

**********************************************************

烏龍老媽,一大早叫朋友打電話來,生蝦o甘跳,話搭小巴被「旁邊個女人」偷了手機,驚動到弟弟要幫她cut台。下午她卻喜孜孜打電話來,說手機沒找回了,原來早上沒帶出街!真是好編劇呀,創意想像力十足十──今早說好的「旁邊的女人」呢,今早繪影繪聲的小巴失機情節呢?早已消失了!手機沒能用,老媽當沒事一樣,照樣快活跟朋友開檯開餐,但要等周日弟弟才有空出來幫她的手機復活!

 

病友李先生跟太太日本旅遊,帶了這個回來,說味道不錯。

 

家庭茶聚,好大陣仗,老媽一早預備孫仔最愛吃的蒸魚,帶埋飯,到茶樓開餐。連茶樓阿姐都說,「又有魚吃!」老媽今回煮了紅豆沙也褒了酸梅湯(之類),醒左一大杯給櫃面阿姨。

這是哪一天? 天色好好~

Protected: 曲韻談說

This content is password protected. To view it please enter your password below:

%d bloggers like this: